"ჩვენი მხრიდან სრულად ვთანამშრომლობთ გამოძიებასთან და ყველა დეტალს მივაწვდით საგამოძიებო უწყებას"

"ჩვენი მხრიდან სრულად ვთანამშრომლობთ გამოძიებასთან და ყველა დეტალს მივაწვდით საგამოძიებო უწყებას" - ტურისტული კომპანია Treveler.ge

საზოგადოება - 19:35, 24 Aug, 2020

1507

ტურისტული კომპანია „თრეველერ.ჯი“ შატილის გზაზე მომხდარ ავტოსაგზაო შემთხვევას ეხმაურება და სოციალურ ქსელში განცხადებას აქვეყნებს.
განცხადებას უცვლელად გთავაზობთ.

„უდიდეს მწუხარებას გამოვთქვამთ ხევსურეთის გზაზე მომხდარი მძიმე ტრაგედიის გამო, განუზომელია სევდა, რომელსაც ჩვენი გუნდი განვიცდით. ვუსამძიმრებთ გარდაცვლილთა ოჯახებს, ახლობლებს, მეგობრებს, სრულიად საქართველოს. ამ მძიმე დროს უფალს ვევედრებით, რომ გარდაცვლილთა სულების მოსახსენიებლად და გვჯერა გადარჩენილი მგზავრები მალე გამოჯანმრთელდებიან. ჩვენი მხრიდან სრულად ვთანამშრომლობთ გამოძიებასთან და ყველა დეტალს მივაწვდით საგამოძიებო უწყებას, რაც კი ხელთ გვაქვს, რათა დადგინდეს ტრაგედიის მიზეზი”,- აღნიშნულია კომპანიის განცხადებაში.
ცნობისთვის, ტურისტული კომპანია treveler.ge-ს კუთვნილ მიკროავტობუსს, რომელიც ხევსურეთში ერთდღიან ტურს ახორციელებდა, ავტოკატასტროფა შეემთხვა და შატილის გზაზე 80 მეტრ სიმაღლიდან გადავარდა.