კომპანია "თბილისი ენერჯი" აცხადებს, რომ ქავთარაძეზე მდებარე სავაჭრო ცენტრ "სითი მოლში" გაზქურის 8 სანთურა ღია მდგომარეობაში იყო დატოვებული და შენობა ძლიერ აფეთქებას გადაურჩა. კომპანიაში აცხადებენ, რომ შენობის შემოწმება მას შემდეგ გადაწყვიტეს, რაც ცხელ ხაზზე გაზის ძლიერ სუნთან დაკავშირებით შეტყობინება შევიდა.

"შენობის საფუძვლიანად დათვალიერებისა და შემოწმების შედეგად დადგინდა, რომ სავაჭრო ცენტრ სითი მოლის შენობაში მდებარე, ერთ-ერთ სამზარეულოში, ღია მდგომარეობაში დატოვებული იყო გაზქურის 8 სანთურა. კომპანია მადლობას უხდის საკუთარ თანამშრომლებს, რომლებმაც უსწრაფესად გაანეიტრალეს საფრთხე და შენობა ძლიერ აფეთქებას გადაარჩინეს", - აღნიშნულია განცხადებაში.