"კოკაინის საქმეზე" გასამართლებული ანასტასია ზაუტაშვილი ვადაზე ადრე გათავისუფლდა. მან ციხე სპეციალური სამაჯურით დატოვა.

ანასტასია ზაუტაშვილი 4 ადამიანთან ერთად, 2010 წელს, კოლუმბიიდან დიდი რაოდენობით კოკაინის შემოტანის ბრალდებით დააკავეს და 30 წლით პატიმრობა მიუსაჯეს.

2012 წლის ამნისტიით კი ზაუტაშვილს სასჯელის ვადა 12 წლამდე შეუმცირდა. ციხიდან ის 2022 წელს უნდა გათავისუფლებულიყო.

შსს-მ მაშინ ფარული ჩანაწერიც გაავრცელა, სადაც ანასტასია ზაუტაშვილი ქილერს კურიერის ლიკვიდაციაზე ესაუბრება.

ანასტასია ზაუტაშვილის ყოფილი ადვოკატი მირიან ნიკოლაძეა. მან ზაუტაშვილის გათავისუფლების შესახებ ინფორმაცია დაადასტურა.