ლაგოდეხში სტიქიამ პრობლემები შექმნა - სოფელ მსხალგორში უმძიმესი მდგომარეობაა. დატბორილია საცხოვრებელი სახლები და ეზოები. ძლიერი წვიმის შედეგად მოვარდნილი წყალი პირდაპირ ეზოებსა და სახლებში შევარდა.

ადგილობრივი მოსახლეობა ამბობს, რომ სანიაღვრო არხებმა წყალი ვერ გაატარა. სოფლის ხანშიშესული მცხოვრების თქმით, მას, სოფელ მსხალგორში ასეთი სიძლიერის სტიქია არ ახსოვს. მათივე ცნობით, ადგილზე სამაშველო სამსახურის თანამშრომლები მივიდნენ.

ზარალის ოდენობა ჯერჯერობით ცნობილი არ არის, შესაბამისი სამსახურის წარმომადგენლები მუშაობას დღეს დაიწყებენ.