ეროვნულ-დემოკრატიული ინსტიტუტი აქვეყნებს მორიგ კვლევას, რომელიც კორონავირუსსა და დეზინფორმაციაზე საზოგადოებრივი აზრის გამოკითხვის შედეგებს ასახავს.

გამოკითხული თითქმის ყოველი მეხუთე ადამიანი, 17 პროცენტი მიიჩნევს, რომ საქართველოში კორონავირუსის გავრცელებისა და სიკვდილიანობის შედარებით დაბალი მაჩვენებელი გენეტიკისა და რელიგიის დამსახურებაა.

ეპიდსიტუაციის კარგ შედეგს გამოკითხულთა 73 პროცენტი ექიმებსა და ხელისუფლებას უკავშირებს.

კვლევა 26-30 ივნისის პერიოდში საქართველოს მასშტაბით 1 550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა.