კორონავირუსისი შეზღუდვების შემსუბუქების ფარგლებში, საქართველოს სტადიონებზე გულშემატკივრებს კვლავ შეეძლებათ დასწრება - ამის შესახებ ფეხბურთის ფედერაციის პრეზიდენიტმა ლევან კობიაშვილმა განაცხადა.

მისი თქმით, გულშემატკივრებს სტადონზე დისტანციის დაცვით განთავსდებიან, სტადიონზე შესვლამდე კი ისინი თერმოსკრინინგს გაივლიან.

"შეგვიძლია ვთქვათ, რომ მომდევნო დღეების განმავლობაში უკვე პროტოკოლში იქნება შეტანილი გულშემატკივრების დაშვება, თუმცა ხაზს გავუსვამ, რასაკვირველია, ეს არ მოხდება ქაოტურად, ეს იქნება პირველ რიგში რაც მნიშვნელოვანია ყველა სტანდარტის დაცვა, მოხდება რაოდენობების განსაზღვრა, რა რაოდენობის გულშემატკივრები შეიძლება დავუშვათ ამა თუ იმ სტადიონზე", - თქვა ლევან კობიაშვილმა.