კახეთში ძლიერმა სეტყვამ და ქარმა თელავისა და ყვარლის მუნიციპალიტეტის სოფლები დააზარალა.

ყვარლის მუნიციპალიტეტის მერის, როსტომ სესიაშვილის თმით, სეტყვის შესახებ ამ ეტაპზე ინფორმაცია მხოლოდ ორი სოფლიდანაა შემოსული.

„სოფელი გავაზი და სანავარდო დაისეტყვა, მაგრამ ღამის განმავლობაში ზარალის ხარისხის გარკვევა შეუძლებელია და ამის შესახებ მხოლოდ ხვალ დილით გვეცოდინება“, – განაცხადა სესიაშვილმა.

სეტყვამ და ძლიერმა ქარმა დააზარალა თელავის მუნიციპალიტეტის სოფლები.

სოფელ კონდოლში საცხოვრებელ სახლებს გადახადა სახურავი. სეტყვამ მნიშვნელოვანი ზარალი მიაყენა სოფელ სანიორეს, ნაფარეულს, რუისპირს და ვარდისუბანს. სოფელ სანიორის მოსახლეობა ამბობს, რომ ყურძნის მოსავლის დიდი ნაწილი დაზიანებულია.

ამასთან, თელავში მშვიდობის ქუჩაზე ქარმა წააქცია რამდენიმე ხე.