19 წლის ფეხბურთელის ბურუსით მოცულ გარდაცვალებას კიდევ ერთი გადაცემა მიეძღვნა. ამჯერად, გადაცემაში “რეაქცია” გიორგი შაქარაშვილის მეგობრებმა კიდევ ერთხელ გაიხსენეს მასთან ერთად გატარებული წლები.

რა უყვარდა, რაზე ოცნებობდა, როგორი მეგობარი იყო და რა ინტერესებით ცხოვრობდა – ამაზე სტუდიაში შეკრებილმა მეგობრებმა ისაუბრეს.

გიორგის ერთ-ერთმა მეგობარმა ბექამ, რომელიც ამავდროულად მისი გუნდელი იყო შაქარას, დარიგება გაიხსენა. ამაზე საუბრისას მან ცრემლები ვერ შეიკავა.

“შაქარა ძალიან კარგი ადამიანი იყო. ძალიან რელიგიური ადამიანი იყო. როცა გუნდელები ვიყავით, სულ ერთად ვიყავით. ესეთი რაღაც მითხრა, დარიგება მომცა, სანამ ვარჯიში დაიწყებაო , ან როცა თამაში გექნებაო, გასვლამდე თქვი ეს სიტყვებიო: უფალო იესო ქრისტე, ძეო ღვთისაო, შემიწყალე მე ცოდვილი. ძალიან დაგეხმარებაო. ყოველთვის ამ სიტყვებს ვიძახი. ამ სიტყვებზე ყოველთვის შაქარა მახსენდება” – თქვა გიორგის მეგობარმა.

ნახეთ ვიდეო https://www.facebook.com/watch/?t=0&v=302635371120440