"კაწროს" მეგობარი,ბერასთან რეკავს, "კანონიერი ქურდი" თავისიანებს საქმის დალაგებას ავალებს" - ახალი სკანდალური გვარები შაქარაშვილის საქმეში

საზოგადოება - 12:27, 13 Jul, 2020

1925

გიორგი შაქარაშვილის საქმეში ახალი ფიგურანტები იკვეთება - ფაქტებზე, რომლებზეც გამოძიება დუმს ნიკა გვარამიამ ისაუბრა.

ირკვევა, რომ ორი მანქანიდან, რომლებიც "ქებაბ ჰაუსთან" გაჩერდა, რამდენიმე პირი გადმოვიდა და მათ დაახლოებით 2-3 წუთის განმავლობაში ისაუბრეს. ისინი სწორედ მაშინ ლაპარაკობდნენ, როცა ფოტოგრაფი იაკობ ბრეგვაძე იქვე ახლოს მდებარე შენობაში იმალებოდა.
"მთავარი არხის" დამფუძნებელი ნიკა გვარამია აცხადებს, რომ საქმეში ახალი პირი, "კაწროს "მეგობარი", დაჩი ბუაძე ჩნდება, რომელიც რეკავს ავთანდილ ბილანიშვილთან და რომელიც შემდეგ ბერა ივანიშვილთან ახორციელებს ზარს. მისივე თქმით, ბერა ივანიშვილთან დარეკვის შემდეგ საქმეში "ოცნების" მაღალჩინოსნები ერთვებიან.
მისივე განმატრებით, საქმის კიდევ ერთი ფიგურანტი რატი ტუსიაშვილია. ნიკა გვარამიას თქმით, სწორედ ეს პირი გადმოდის "მარშუტკიდან".
"მთავარის" დამფუძნებლის ინფორმაციით, შაქარაშილის საქმის კიდევ ერთი ფიქურანტი, ჩუღურეთელი კანონიერი ქურდი, რამაზ ჯინჭარაძეა, რომელიც საზღვარგარეთ ცხოვრობს, ირკვევა, რომ მან დარეკა თავისიანებთან და საქმის დალაგება დაავალა.
" კლავენ შაქარაშვილს, არაერთგზის დაზიანებებით. შემდეგ ეს ადამიანები სთხოვენ დახმარებას დაჩი ბუაძეს – აქ ახალი სახელი და გვარი ჩნდება, რომელიც არის ნახალოვკელი „კაწროს“ მეგობარ-ხელქვეით-ავტორიტეტი რატი. ორი რაგბისტი, – ნიკა ჟვანია და არჩილ გაგნიძე, რომლებზეც ჩვენ ვსაუბრობთ, ისინი არიან დაჩი ბუაძის მეგობრები, შესაბამისად „კაწროს“ მეგობრები.

ბუაძე ურეკავს „კაწროს“ და ეუბნება, რომ ცუდი ამბავი დაემართა. ამის მერე „კაწრო“ ახორციელებს ზარს ბერა ივანიშვილთან და ეუბნება, რომ ცუდი რაღაც დაემართათ. რეკავს თუ არა ბერა ივანიშვილი პოლიციაში, ამას ვერ დავადასტურებთ, მაგრამ ფაქტია, რომ საქმეში ერთვებიან მაღალჩინოსნები, კერძოდ კუპატაძე, რომელიც ჩვენი ინფორმაციით, ურეკავს მცხეთის პატრულის უფროსს ვასო პეტრიაშვილს და ეუბნება, რომ პატრულის გამოძახება მაქსიმალურად გაიწელოს, რადგან იქ არის პრობლემა, რომელიც უნდა მოგვარდეს. საქმეში ჩუღურეთელებიც ჩაერთნენ, კერძოდ, ქურდი რამაზ ჯინჭარაძე, ის არ არის საქართველოში, დარეკა და თავისიანებს დაავალა საქმის დალაგება “, – განაცხადა ნიკა გვარამიამ.