""ტვ პირველის" ჟურნალისტმა 112-ში ცრუ ზარი განახორციელა" - ნინო გიორგობიანის საგანგებო განცხადება

საზოგადოება - 23:06, 09 Jul, 2020

1349

საქართველოს შინაგან საქმეთა სამინისტროს საზოგადოებასთან ურთიერთობის სამსახურის უფროსი, ნინო გიორგობიანი ექსპერიმენტის ჩატარების მიზნით "ტვ პირველის" ჟურნალისტის მიერ 112-ში ცრუ შეტყობინების გაგზავნას ეხმაურება და პოსტს აქვეყნებს.
გიორგობიანმა ჟურნალისტს მოქალაქეობრივი პასუხისმგებლობის განცდა და მედია სტანდარტი დაუწუნა და განაცხადა რომ, როცა ცრუ ზარს ახორციელებს ვინმე, მინიმუმ იმას უნდა იაზრებდეს, რომ შესაძლოა ამ დროს გადაუდებელი დახმარება სხვას რეალურად სჭირდებოდეს.

"შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოვიდა ზარი მოქალაქის მიერ, რომელმაც გააკეთა შეტყობინება ჩხუბთან დაკავშირებით. შემთხვევის ადგილზე მისულ პოლიციას ადგილზე დახვდა ტელეკომპანია პირველის ჟურნალისტი თამთა დოლენჯაშვილი, რომელმაც განაცხადა, რომ მან გააკეთა ცრუ შეტყობინება. მისივე თქმით, შაქარაშვილის საქმესთან დაკავშირებით ჩაატარა ექსპერიმენტი.
რომ არაფერი ვთქვათ მოქალაქეობრივ პასუხისმგებლობაზე და ელემენტარულ მედია სტანდარტზე, მაშინ როდესაც ცრუ შეტყობინებას აკეთებს ნებისმიერი მოქალაქე, მინიმუმ იმას უნდა იაზრებდეს, რომ შესაძლოა ამ დროს გადაუდებელი დახმარება სხვას რეალურად სჭირდებოდეს" - წერს ნინო გიორგობიანი.