საქართველოს ევროპული ნაკრების კაპიტანი თორნიკე შენგელია მოსკოვურ კლუბში გადასვლით ბედნიერია.

მისი თქმით, სულმოუთქმელად ელის, როდის შეძლებს საოცარ კალათბურთელებთან ერთად თამაშს.

""ბედნიერი ვარ, რომ ევროპალიგის მოქმედ ჩემპიონებს შემოვუერთდი....იმედი მაქვს, რომ ცსკა-სთან ერთად მივაღწევთ დიდ წარმატებას ევროპალიგაზე და VTB ლიგაზე",- შენგელიას ეს ციტატები კლუბის ოფიციალურ გვერდზე გამოქვეყნდა, რასაც კალათბურთელმა რეტვიტი გაუკეთა.

თორნიკე შენგელიამ მოსკოვის ცსკა-სთან სამწლიანი კონტრაქტი გააფორმა. "გელოდებით მოსკოვში", - წერია ქართულად და ინგლისურად ვიდეოზე, რომელშიც ამ ფაქტის აღსანიშნად კლუბმა გაავრცელა.