მოვუწოდებთ ყველას, არ შეაჩეროთ გეგმური ვაქცინაციის პროცესი

მოვუწოდებთ ყველას, არ შეაჩეროთ გეგმური ვაქცინაციის პროცესი - ხათუნა ზახაშვილი

საზოგადოება - 21:04, 08 Jul, 2020

595

მოვუწოდებთ ყველას, არ შეაჩეროთ გეგმური ვაქცინაციის პროცესი - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა განაცხადა.

ზახაშვილის თქმით, ვაქცინაციაზე უარის თქმა ხელს შეუწყობს, რომ "ახალი სატკივარი გაჩნდეს".„ამ პერიოდში საყოველთაო ვაქცინაციის და არც სკრინინგის პროგრამები, რომლებიც მიმდინარეობდა ქვეყანაში, შეჩერებული არ ყოფილა. ყველა პოლიკლინიკას შემუშავებული ჰქონდა თავისი პროტოკოლები და ჩვენგან ჰქონდათ სარეკომენდაციო წერილები მიღებული, როგორ უნდა ეწარმოებინათ საყოველთაო, გეგმური ვაქცინაცია, რაც მიმდინარეობდა და მიმდინარეობს ქვეყანაში უწყვეტად. უნდა ვთქვათ, რომ ერთმნიშვნელოვნად ისევ და ისევ მოვუწოდებთ ყველას, რომ ვაქცინაციის შეჩერება შეუძლებელია, არ შეაჩეროთ ეს პროცესი. თუ თქვენ, თქვენს შვილებს გეკუთვნით ვაქცინაცია, გესაჭიროებათ ვაქცინაცია რაიმე მიზეზით, აუცილებლად მიმართეთ პოლიკლინიკას. ყველა პოლიკლინიკას, სადაც ტარდება იმუნიზაცია, არსებობს ვაქცინების მარაგი, რათა ჩაუტაროთ იმუნიზაცია თქვენს შვილებს და გახსოვდეთ, რომ პანდემია გადაივლის, ალბათ მისი სიმძლავრე და სიმწვავე შემცირდება და ნუ გავიჩენთ ახალ სატკივარს ვაქცინით მართვადი დაავადებების გამო“, - განაცხადა ხათუნა ზახაშვილმა.