დაიწყება თუ არა სექტემბერში სკოლებში სწავლა - არჩილ თალაკვაძე განმარტებას აკეთებს

საზოგადოება - 14:11, 03 Jul, 2020

736

ვაკეთებთ ყველა სამეცნიერო არგუმენტების კონსოლიდაციას, რათა ამ საკითხზე დროული და სწორი გადაწყვეტილება მივიღოთ - ასე გამოეხმაურა პარლამენტის თავმჯდომარე, არჩილ თალაკვაძე სექტემბერში სწავლის დაწყების შესახებ არსებულ შეკითხვეს.
თალაკვაძის თქმით, ჯერჯერობით სექტემბერში სწავლის დაწყების პროცესს ეპიდსიტუაციის გათვალისწინებით საფრთხე არ ემუქრება.

„ვინაიდან, სექტემბერი უკვე ახლოს არის, ხელისუფლება, მათ შორის ჯანდაცვისა და განათლების სამინისტროები ვაკეთებთ ყველა სამეცნიერო არგუმენტების კონსოლიდაციას, რათა ამ საკითხზე დროული და სწორი გადაწყვეტილება მივიღოთ. ვფიქრობ, რომ სექტემბერში სწავლის დაწყების პროცესს, ყველა იმ თანმდევი სერვისებით, რაც სწავლის პროცესს ახლავს, ჯერჯერობით როგორც ჩანს, პირდაპირი საფრთხე არ ემუქრება.

ამიტომ ვემზადებით და ვმუშაობთ, რათა სექტემბერში სწავლა რეალურ რეჟიმში განახლდეს. თუმცა ამაზე დიდი გავლენა ექნება ეპიდსიტუაციას, რომელიც სწავლის დაწყებამდე იქნება ქვეყანაში. დღეს ამ პროცესს პირდაპირი საფრთხე არ ემუქრება, ამიტომ ხელისუფლება აქტიურად მუშაობს“, – განაცხადა არჩილ თალაკვაძემ.