"დაიცავით ტემპერატურის რეჟიმი, გამოიყენეთ პირბადე, თავსაბურავი და ხელთათმანი, საპნით და წყლით დაიბანეთ ხელები..."- ინსტრუქციები სურსათის გადამამუშავებელი საწარმოებისთვის და ობიექტებისთვის

საზოგადოება - 15:02, 24 Mar, 2020

1113

კორონავირუსის გავრცელების საფრთხე - საგანგებო მდგომარეობის გამო სურსათის მწარმოებელი, გადამამუშავებელი ობიექტები ვალდებულნი არიან სურსათის ნებისმიერი სახით დამუშავების დროს დაიცვან ტემპერატურული რეჟიმები.
ინფორმაცია, მთავრობის გადაწყვეტილების შესახებ პრემიერ-მინისტრის პრესსპიკერმა, ირაკლი ჩიქოვანმა გააჟღერა.
ამასთან, ჩიქოვანმა ის ვალდებულებები კიდევ ერთხელ გაიმეორა რაც პერსონალის აუცილებელ ვალდებულებად ითვლება:
„პერსონალი ვალდებულია, გამოიყენოს პირბადე, თავსაბურავი და ხელთათმანი, ასევე ხშირად, თხევადი საპნით და წყლით უნდა დაიბანოს ხელები, ერთჯერადი ხელსახოცით ხელის გამშრალების შემდეგ ხელები უნდა დაიმუშაოს არანაკლებ 70%-იანი სპირტის შემცველი ან სადეზინფექციო ხსნარით;

ამასთან, პერსონალმა უნდა უზრუნველყოს ყველა იმ ზედაპირის და ინვენტარის ხშირი რეცხვა და დეზინფექცია, რომელსაც შეხება აქვს სურსათთან, სადეზინფექციო და სარეცხი საშუალებებისათვის დაშვებული მაქსიმალური კონცენტრაციით. სურსათის მწარმოებელი, გადამამუშავებელი ობიექტები ვალდებულნი არიან, სამუშაოს დაწყების წინ უნდა გააკონტროლონ პერსონალის ჯანმრთელობის მდგომარეობა.

სურსათის ნებისმიერი სახით დამუშავების დროს მკაცრად უნდა იყოს დაცული ტემპერატურული რეჟიმები“, - აღნიშნა ირაკლი ჩიქოვანმა დღევანდელ ბრფინგზე.