"აირზენას" გაუქმებული სპეცრეისები - საქართველოს 500-ზე მეტი მოქალაქე ევროპის აეროპორტებში საქართველოს მთავრობის გადაწყვეტილებას ელოდება

საზოგადოება - 18:24, 22 Mar, 2020

1482

საქართველოს 500-ზე მეტი მოქალაქე ევროპის აეროპორტებში საქართველოს მთავრობის გადაწყვეტილებას ელოდება. მოქალაქეებს ავია კომპანია "აირზენას" ბილეთები უკვე ნაყიდი ჰქონდათ, როცა მოულოდნელად შეიტყვეს, რომ რეისი არ შესრულდება. თვითმფრინავები აეროპორტში დგას და მზად არიან პილოტებიც, თუმცა მთავრობა მათ აფრენის ნებართვას არ აძლევს.

ამ თემაზე ჟურნალისტების კითხვას ეკონომიკის მინისტრმა ნათია თურნავამ უპასუხა. მისი თქმით, საქართველოს ხელისუფლება ფრენებს მხოლოდ მაშინ დაუშვებს, როცა ამისთვის მზად იქნება ქვეყანა და ხალხის საკარანტინო ზონაში გადაყვანის საშუალება იარსებებს.
ხოლო კომპანია "აირზენაში" კი ახადებენ, რომ ისინი მზად არიან რეისი შეასრულონ, მაგრამ ჯერჯერობით ამის ნებართვა არ აქვთ. ნებართვა გაცემულია მხოლოდ 23 აპრილის ბერლინის რეისზე.
"მზად ვართ განვახორციელოთ ნებისმიერი რეისი მთავრობის დავალებით, მთავრობის ნებართვა მიღებული გვაქვს 23 მარტის ბერლინის ფრენაზე. ნებართვა არ გვაქვს დღევანდელ ვენის რეისზე და 23 მარტის ამსტერდამის რეისზე და 24 მარტის პარიზის რეისზე. როცა ხელისუფლება გვეტყვის გავფრინდეთ, ჩვენ გავფრინდებით და ჩამოვიყვანთ საქართველოს მოქალაქეებს" - განაცხადა კომპანია აირზენას წარმომადგენელმა რომან ბოკერიამ.