ბელარუსში ახალი კორონავირუსის პირველი შემთხვევა დაფიქსირდა. ბელარუსის ჯანდაცვის სამინისტროს ცნობით, ვირუსით ინფიცირებული ირანის მოქალაქეა ის ბელორუსში სწავლობს.

ცნობია, ირანის მოქალაქე ბელარუსში 23 თებერვალს ბაქოდან ჩავიდა. პაციენტი და ის ადამიანები, ვისაც მასთან კონტაქტი ჰქონდა მინსკის ინფექციური საავადმყოფოს ბოქსირებულ განყოფილებაშია მოთავსებული.

ჯანდაცვის სამინისტროში ამბობენ, რომ ახალგაზრდა მამაკაცი თავს კარგად გრძნობს.

კორონავირუსის ინფექცია პირველად 2019 წლის დეკემბერში ჩინეთში გავრცელდა. ჩინეთის გარდა ვირუსი უკვე დაფიქსირდა 50-ზე მეტ ქვეყანაში.