"ოცნებას" ლობისტებიც ვერ შველიან: "საარჩევნო კანონის ჩაგდებამ იმედი გაგვიცრუა ჩვენც და ქართველ ხალხსაც"

"ოცნებას" ლობისტებიც ვერ შველიან: "საარჩევნო კანონის ჩაგდებამ იმედი გაგვიცრუა ჩვენც და ქართველ ხალხსაც" - ევროპარლამენტარი

- 09:49, 13 Feb, 2020

1203

ევროპარლამენტარი, სოციალ-დემოკრატიული პარტიის წევრი მარინა კალიურანდი საქართველოში მიმდინარე პროცესებს ეხმაურება და ბძინა ივანიშვილის გუნდს მწვავედ აკრიტიკებს.

კალიულანდი ევროპარლამენტის საბოლოო განცხადებაში უფრო მწვავე აქცენტების გაკეთების მომხრეა.

"რა თქმა უნდა, არსებობს იმედგაცრუება ქვეყანაში განვითარებული ბოლო მოვლენების ჭრილში, ახალი საარჩევნო კანონის ჩაგდებამ იმედი გაგვიცრუა არა მხოლოდ ევროპარლამენტარებს, არამედ ქართველ ხალხს. ჩვენ კვლავ ველოდებით და ვუბიძგებთ მმართველ გუნდს და ოპოზიციას, რომ იპოვონ საერთო გადაწყვეტა, რადგან ქართველი ხალხი იმსახურებს თავისუფალ არჩევნებს. 2020 წლის არჩევნები თავის მხრივ იქნება გადამწყვეტი საზოგადოებისთვის. იგი განსაზღვრავს თქვენს მომავალს, რეფორმებს და ინტეგრაციას.

ჩვენი მესიჯი მმართველი გუნდისა და ოპოზიციის მიმართ ასეთია - გთხოვთ დადექით ერთად და დაელაპარაკეთ ერთმანეთს, რადგან ეს არ ეხება თქვენს პარტიებს, ეს ეხება ქართველ ხალხს.

რაც შეეხება ხელისუფლების ახალ ინიციატივას გიგი უგულავას საკითხთან დაკავშირებით, ხელისუფლებამ ეს ინიციატივა სულ ახლახანს წარმოადგინა. ამიტომ ძალიან ნაადრევია საუბარი, თუმცა ჩვენ ყურადღებით განვიხილავთ ამ შეთავაზებას და ევროპარლამენტში ქართველ კოლეგებთან ერთადაც ეს განხორციელებადი პროცესია. არსებობს ფაქტების დამდგენი მისიები, ასეთი სულ ბოლოს მალტაში იყო. იგი შეიძლება იყოს ფორმალური და არაფორმალურიც, მეთოდები განსხვავებულია, თუმცა აქვე გეტყვით, რომ საქართველოს საკითხებზე მომხსენებელთა მისია საქართველოში მალე ჩამოვა ," - ამბობს მარია კალიულანდი.

თარგმანს "რუსთავი 2" ავრცელებს.