პეტრიაშვილის #1-ში მდებარე ღვინის ქარხანის საქმე - გახდება თუ არა სასამართლო ჩხარტიშვილის დავალებების შემსრულებელი

სამართალი - 19:31, 30 Jul, 2019

1746

ხვალ სააპელაციო სასამართლო პეტრიაშვილის #1-ში მდებარე ღვინის ქარხანის საქმეზე იმსჯელებს. ამ საქმეში ყოფილ მთავარ პროკურორ არჩილ კბილაშვილთან ერთად, ვანო ჩხარტიშვილიც ფიგურირებს. ამასთან, აღსანიშნავია, რომ სააპელაციო სასამართლოს კოლეგიის თავმჯდომარე, როგორც გაზეთ „ქრონიკა+“-ის მთავარი რედაქტორი ელისო კილაძე ამბობს, კაბელების საქმის მოსამართლეა.„ხვალ სააპელაციო სსასამართლოს აღნიშნული კოლეგია ან ვანო ჩხარტიშვილის დავალებების შემსრულებელი გახდება,და ქვეყანაში საკუთრების უფლებას სამუდამოდ დაასამარებს,ან სამართლიან გადაწყვეტილებას მიიღებს !

საქმე ეხება ღვინის ქარხანას,რომელსაც ვანო ჩხარტიშვილი მისი თაღლითი პარტნიორის გიორგი მგალობლიშვილის მეშვეობით კეთილსინდისიერ მყიდველებს ახევს !

უზანაესმა სასამართლომ საქმე დააბრუნა სააპელაციოში,ქეთევან მესხიშვილის კოლეგია გადაწყვეტილების მიღების ეტაპზე დაშალეს და საქმე ახალ კოლეგიას გადაეცა.

ცნობისათვის,კოლეგიის თავმჯდომარე გოგიტა თოთოსაშვილი კაბელების საქმის მოსამართლეა !

პროცესი ხვალ,10 საათზე გაიმართება!“ - წერს კილაძე სოციალურ ქსელში.

აქვე შეგახსენებთ, რომ ანიშნულ თემაზე „ნიუპოსტმა“ ვრცელი მასალა რამდენიმე თვის წინ გამოაქვეყნა .