გორში, წმინდა წყლის დასახლებაში სატვირთო მანქანიდან მუშა გადმოვარდა.

“ნიუპოსტის” კორესპონდნეტის ცნობით, ფაქტი მეჯუდის სანაპიროზე, რამდენიმე წუთის წინ მოხდა. თვითმხილველები ამბობენ, რომ სატვირთოს “რეგიონ ფეშენ ვიკის” ბილბორდი გადაჰქონდა.

“ხელით ეკავა ბილბორდი, ქარმა დაუბერა და თან გადაჰყვა.”-უთხრა სატვირთოს მძღოლმა “ნიუპოსტს”.

დაშავებული 50 წლამდე მამაკაცი, გორის კეთილმოწყობის თანამშრომელია. ის სასწრაფომ “გორმედში” გადაიყვანა, როგორც კლინიკაში გვითხრეს, რეანიმაციულ განყოფილებაში მოათავსეს. შემთხვევის ადგილზე პოლიცია მუშაობს.