20-21 ივნისის ღამეს განვითარებული მოვლენების დროს, ჯგუფურ ძალადობაში მონაწილეობისთვის დაკავებულ პირს კახა ღავთაძეს აღკვეთის ღონისძიების სახით პატიმრობა შეეფარდა.

„მთელი დღე ვმუშაობდი ტაძარში ვხატავდი ფრესკას, როცა გამოვედი რუსთაველზე გავიარე და იქ შემთხვევით მოვხვდი და გავიგე რომ აქცია იყო, ვერავინ ვერ შემედავება, რომ ფარი წავართვი და ვინმეს დავარტყი, მეორე დღეს გავაცნობიერე და ვინანიებ" - აღნიშნა ბრალდებულმა სასამართლოზე.

ბრალებულის ადვოკატი ბრალებულის მიმართ აღკვეთის ღონისძიებად 5000 ლარიანი გირაოს გამოყენებას ითხოვდა.