"ევროპულის საქართველოს" ლიდერის გიგი უგულავა გამოკითხვა სასამართლოში, მაგისტრი მოსამართლის თანდასწრებით გამოიკითხა. ოპოზიციის ერთ-ერთმა ლიდერმა პროცესის დასრულების შემდეგ მედიასთან კომენტარი გააკეთა და თქვა, რომ დასმული კითხვებიდან დარჩა შთაბეჭდილება, რომ ხელისუფლება 20 ივნისის მოვლენების ვარდების რევოლუციასთან დაკავშირებას ცდილობს. მისი თქმით, ამბოხების ნაწილში კითხვები არ ყოფილა, არამედ მას შეკითხვები დაუსვეს სახელმწიფო გადატრიალების საქმეზე.

"დამრჩა შთაბეჭდილება რომ გამოძიებას საერთოდ გაუგებრობაშია. ფაქტია, ჩვენ საჯაროდაც ვიცით პოლიტიკური ხელმღვანელობისა და პროკურტურის და სსს ხელმძღვანელობისგან რომ იძიებენ რაღაც მისტიურ სახელმწიფო გადატრიალებას. ახლა ჩემი პირველი კითხვა გამოძიების მიმართ ეხებოდა იმას, რომ გადატრიალების საქმე არ ახსენეს და ჯგუფური ძალადობის ორგანიზების საქმეზე იყო კითხვები. მე როცა დავაზუსტე რომ ეს სხვა საქმეა, მითხრეს რომ არა, ეს ერთიდაიგივე საქმეა უბრალოდ მუხლი არ იყო იქ მითითბული.

ფაქტია, რომ ხელოვნურადაა დაჩეხილი ეს საქმე იმისთვის, რომ რაღცა გამოყონ, სადღაც მოეჭიდონ და რაღაც გამოუვიდეთ რომელიმე მიმართულებით. ხელებს აცეცებენ სიბნელეში. ფაქტია, რომ ორკესტრირებულად აქვთ სურვილი ეს მონათლონ სახელმწიფო გადატრიალებად. ისტორიული ექსკურსის ჩატარებაც მომიწია გამოძიებისთვის, სიტყვა რევოლუციას ახსენებდა თუ არა ვინმე ამაზე იყო შეკითხვა და რას ვფიქრობ მე ვარდების რევოლუციაზე. უკვე სახელისუფლებო პროპაგანდიდანაც ჩანს და კითხვებიდანაც იკვეთებოდა რომ ხელისუფლების დაუოკებელი სურვილია პარალელი გაავლონ ვარდების რევოლუციასთან"- განაცხადა უგულავამ.

მისი თქმით, გამოძიება "გამოცხადებული გაყალბებული ქრონიკაა".

მისი თქმით, ხელისუფლებას უნდა, რომ პასუხისმგებლობა აიცილოს თავიდან და ამისთვის მზად არიან, გადაწერონ ისტორია.

"სანამ საქართველოს სახელმწიფოს სახელით პროკურატურა და ხელისუფლება არ გასცემს კითხვაზე პასუხს, ვინ ამოთხარა თვალი მაკო გომურს, სხვა დანარჩენ ადამიანებს, ვინ მოტეხა ხელი თამარ ბაღაშვილს, ვინ გამოიყენა და რატომ გამოიყენეს დათვის ტყვიები, ყველა სხვა დანარჩენი შეკითხვა არის ისრების გადატანის მცდელობა, გაყალბების მცდელობა და საზოგადოების შეურაცხყოფის მცდელობა,“ - განაცხადა გიგი უგულავამ.