"აჭარის ტელევიზიის" ინფორმაციით, 7 ივლისს, ქობულეთის სანაპიროზე პარაშუტი წყლის ნაცვლად, პლაჟზე დაეშვა. ტელეფონით გადაღებულ კადრებში ჩანს, რომ პარაშუტი სანაპიროსთან დამონტაჟებულ განათების ბოძს წამოედო. ავარიული დაშვების დროს გოგონები დაშავდნენ, თუმცა მათ სიცოცხლეს საფრთხე არ ემუქრება. ადგილზე სასწრაფო დახმარების ბრიგადაც გამოიძახეს, რომლებმაც დაშვებულები საავადმყოფოში გადაიყვნეს.

შინაგან საქმეთა სამინისტროში აცხადებენ, რომ ფაქტზე გაოძიება დაიწყო. სამართალდამცველები იძიებენ ხომ არ დაირღვა 275 მუხლი, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.