ქუთაისში, ავტომშენებლის გამზირზე, ერთ-ერთი საცხოვრებელი კორპუსის მე-2 სართულზე მომხდარ აფეთქებას ხანძარი მოჰყვა. შინაგან საქმეთა სამინისტრომ გამოძიება ოჯახში ძალადობის ნიადაგზე ჩადენილი განზრახ მკვლელობის მცდელობის მუხლით დაიწყო.

ადგილობრივების თქმით, ბინაში ბუნებრივი აირი არ დაგროვებულა და ხანძარი ოჯახური კონფლიქტის ნიადაგზე მიზანმიმართულად გააჩინეს.

მათივე ინფორმაციით, აფეთქებამდე ბინიდან ხმაური გამოდიოდა, რამდენიმე წუთით ადრე კი ერთ-ერთმა პირმა სახლში ბენზინი შეიტანა.

შემთხვევის შედეგად დაშავდა 7 ადამიანი, რომლებიც საავადმყოფოში არიან მოთავსებული. შედარებით მძიმეა ერთ-ერთი მოზარდის, 10 წლის ჯანმრთელობის მდგომარეობა, რომელიც თბილისში გადაიყვანეს.