პოლიციის მანქანის გატაცებაში ბრალდებულ 17-წლის ბიჭს წინასწარი პატიმრობა შეუფარდეს.

“ნიუპოსტის” კორესპონდნეტის ცნობით, ამის შესახებ გადაწყვეტილება გორის რაიონული სასამართლოს მოსამართლემ ცოტა ხნის წინ მიიღო. პროკურატურამ, 17-წლის მოზარდს მანქანის გატაცებასთან ერთად, ძარცვის მცდელობისა და ძარცვის მუხლით წაუყენა ბრალი.

პროკურორის მტკიცებით, ბრალდებულმა იმ მიკროავტობუსის ძარცვა სცადა, რომელსაც ავტობანზე დაეჯახა.

პოლიციის ვერსიით, ავტომანქანა ბრალდებულმა გურამიშვილის ქუჩიდან გაიტაცა. გაიარა წმინდაწყლის დასახლება - ცხინვალის გზატკეცილი. გავიდა ავტობანზე, სადაც მიკროავტობუსს დაეჯახა და ამობრუნდა.

სახაზინო ადვოკატი ქეთევან გაგოევი აცხადებს, რომ იმ ქუჩის დასახელებისგან, გაუთქმელობის პრინციპით, თავს შეიკავებს, საიდანაც მანქანა გაიტაცეს.