ხორავას ქუჩაზე მოკლული არასრულწლოვანის, დავით სარალიძის ოჯახის ადვოკატი ნესტან ლონდარიძე ამბობს, რომ მიხეილ კალანდიას დაკავების შემდეგ, ახლა ქმედით ნაბიჯები პროკურატურამ უნდა გადადგას.

„მივესალმები დღევანდელ გადაწყვეტილებას და დღეს თამამად შემიძლია, კიდევ ერთხელ დავსვა კითხვა, ამ ეტაპზე, როდესაც ეს გადაწყვეტილება იყო მიღებული, რას აპირებს პროკურატურა? ბრძოლა გრძელდება და ჩვენ ველოდებით უკვე ქმედით ნაბიჯებს პროკურატურისგან. სასამართლომ კიდევ ერთხელ მიუთითა პროკურატურას, რომ ეს იყო ჯგუფური მკვლელობა, ოღონდ მოქმედებდნენ დაუდგენელ პირებთან ერთად და ეს დაუდგენელი უნდა იქცეს დადგენილად“, - განაცხადა ნესტან ლონდარიძემ.