თბილისის სააპელაციო სასამართლომ ხორავას ქუჩაზე მომხდარი მკვლელობის საქმეზე პირველი ინსტანციის სასამართლოს განაჩენში ცვლილებები შეიტანა da არასრულწლოვან დავით სარალიძის ჯგუფურად განზრახ მკვლელობაში გ.ჯ. დამნაშავედ ცნო. რაც შეეხება გ.ბ-ს, მის მიმართ ბრალდების საჩივარი არ დაკმაყოფილდა და ის დავით სარალიძის განზრახ მკვლელობაში სააპელაციო სასამართლოს კოლეგიამ უდანაშაულოდ ცნო. სააპელაციო სასამართლომ ძალაში დატოვა საქალაქო სასამართლოს გადაწყვეტილება ლევან დადუნაშვილის მკვლელობასთან დაკავშირებით და დამნაშავედ ცნო გ.ბ.

„არასრულწოვან დავით სარალიძის მკვლელობა ჩაიდინა გ.ჯ-მ ჯგუფურად დაუდგენელ სხვა პირთან ერთად. გ.ჯ-ს არასრულწლოვანთა მართლმსაჯულების კოდექსის თანახმად, საბოლოოდ, სასჯელის სახით განესაზღვრა 11 წლით და სამი თვით თავისუფლების აღკვეთა.

„სასამართლომ შეაფასა გ.ბ-ს მიმართ არსებული პასუხისმგებლობის შემამსუბუქებელი და დამამძიმებელი გარემოებები. გ.ბ-ს მიმართ განაჩენი გასაჩივრებული ჰქონდა ბრალდების მხარესაც და ამ ნაწილში სასამართლომ გ.ბ-ს სასჯელი დაუმძიმა,“ - განაცხადეს სააპელაციო სასამართლოში.