კატა-სამურაი, რომელმაც კიშიგავას სარკინიგზო ხაზი გადაარჩინა

ეს საინტერესოა - 19:33, 02 Jun, 2019

1927

იაპონიაში კატა ტამამ სამურაის წოდება და "კიშიგავას სარკინიგზო ხაზების სამუდამო და საპატიო უფროსის" ტიტული მიიღო. იგი მუდმივად პატარა სადგურ იდასიკოზე იმყოფება და სიამოვნებით პოზირებს ტურისტებისთვის, ზოგიერთ მათგანს, განსაკუთრებით პატარებს, ხელში აყვანის ნებართვასაც აძლევს.

კატას მუდმივად თან ახლავს სადგურის ერთერთი თანმშრომელი, რომელიც მხოლოდ მაშინ ერევა პროცესში, როდესაც მას პატარა ზომის რკინიგზელის ფორმის ქუდი ჩამოუცურდება ხოლმე.

საქმე იმაშია, რომ ტამამ კიშიგავას სარკინიგზო ხაზი დახურვას გადაარჩინა.

ტამა ჯერ კიდევ 1990-იანი წლებიდან ცხოვრობდა რკინიგზის პატარა სადგურ კიშის მახლობლად და სადგურის თანამშრომელთა და სტუმრების საყვარელი არსება იყო. მას სადგურის მახლობლად მდებარე მარაზიის მეპატრონე უვლიდა. იაპონიის ეს პრეფგექტურა ცნობილია მონასტრებითა და ტაძრებით, შესამაბისად მასზე ბევრი მომლოცველტა მარშრუტი გადის.

თუმცა, 2006 წლისთვის რკინიგზის ეს ხაზი არარენტაბელური გახდა და Wakayama Electric Railway-ის პრეზიდენტმა გადაწყვიტა ხაზები გაეუქმებინა. ადგილობრივი მცხოვრებლები ამან საგონებელში ჩააგდო და მათ ოფიციალური თხოვნით მიმართეს კომპანიის პრეზიდენტს მიცონობო კოძიმეს, რომ ხაზები არ გაეუქმებინა, ხოლო მაღაზიის მფლობელმა მას კატა ტამა მიუყვანა და სთხოვა, მასზე ეზრუნა, რადგან რკინიგზის გაუქმების შემდეგ იგი იძულებული იქნებოდა მაღაზია დაეკეტა და სხვაგან გადასუყლიყო.

კომპანიის პრეზიდენტს ისე მოეწონა პატარა ცხოველი, რომ რკინიგზის ხაზების გაუქმება გადაიფიქრა და მეტიც - მას რკინიგზელის ფორმა შეუკერა და ამ ხაზების "სამუდამო და საპატიო უფროსის" თანამდებობაზე დანიშნა.

ტამას ერთადერთი მოვალეობა აქვს - რკინიგზის მომხმარებელთა რიცხვის გაზრდა, რასაც იგი წარმატებით ართმევს თავს - იგი სარკინიგზო ხაზების ჭეშმარიტი სახეა და მრავალ სარეკლამო რგოლშია გადაღებული. ასევე მაღაზიებში უამრავი სხვადასხვა სახის სუვენირი იყიდება, ტამას გამოსახულებით. სანაცვლოდ იგი საკვებით შეუზღუდავად მარაგდება.

ტამას კარიერა იმდენად წარმატებული გამოდგა, რომ პრეფექტურის გუბერნატორმა იგი სამურაის წოდებით დააჯილდოვა.