ფარაონების სასმელი - ებრაელმა მეცნიერებმა ლუდი 5000 წლის წინადელი საფუარით დაამზადეს

ეს საინტერესოა - 15:21, 23 May, 2019

1418

ებრაელმა მეცნიერებმა დაამზადეს ლუდი, 5000 წლის წინანდელი საფუარის გამოყენებით. მათ, არქეოლოგიური გათხრების შედეგად ექვს სხვადასხვა დოქში აღმოჩენილი საფუარის ნიმუშები გამოიყენეს. მეცნიერები აცხადებენ, რომ სასმალი იმ ლუდის მსგავსია, რომელსაც ძველ ეგვიპტეში მიირთმევდნენ.

მათი აზრით, არ არის გამორიცხული, რომ მსგავსი სასმელი მაღაზიის დახლებზეც გამოჩნდეს.

"როდესაც ჩვენ პირველად დავლიეთ ეს ლუდი, მე განვაცხადე, რომ ალბათ დიდ სიამოვნებას მივიღებთ, ან 5 წუთის შემდეგ გარდავიცვლებით," - აცხადებს არქეოლოგი და ძველ;ეგვიპტური ლუდის დამზადების ერთერთი იდეოლოგი, არენ მაიერი.

ლუდი ერთერთი უძველესი სასმელია, რომელიც ნეოლითის ეპოქიდან არის ცნობილი. ზოგიერთი თვლის, რომ მარცვლოვანი კულტურების გაზრდა დაიწყო სწორედ ლუდის და არა პურის გამო. ისრაელში, რაკეფეტის მღვიმეში ქვის სანაყების ანალიზმა ცხადყო, რომ ადგილობრივები ლუდს ჩვენს წელთაღრიცხვამდე 13-ე საუკუნეში აწარმოებდნენ. ეს აღმოჩენა უფრო ადრეულია, ვიდრე ძველი ადამიანის მიერ პურის გამოცხობის დღემდე არსებული ფაქტები.

ლუდს აწარმოებდნენ ძველი შუმერები, მესოპოტამიელები, ჩვენს წელთაღრიცხვამდე 3500-3000 წლებში, ამავე პერიოდში მისი წარმოება დაიწყეს ეგვიპტეში, ოდნავ მოგვიანებით კი ბაბილონში. ეგვიპტელებისგან ისწავლეს ლუდის ხარშვა ებრაელებმაც.

_{(სურ. ებრაელი მეცნიერები მათ მიერ დამზადებულ ძველეგვიპტურ ლუდს მიირთმევენ)}