ზუგდიდის მთავარ სამმართველოში სანდრა რულოვსზე თავდასხმაში ეჭვმიტანილი მელორ მიქავას დაკითხვა მიმდინარეობს. საუბარია ორი დღის წინ ზუგდიდში, დადიანების სასახლის ეზოში განხორციელებულ თავდასხმაზე, რომელიც რამდენიმე პირმა ოპოზიციის მერობის კანდიდატის სანდრა რულოვსის, მისი მხარდამჭერებისა და ჟურნალისტების მისამართით განახორციელეს. ადგილი ჰქონდა ფიზიკურ და სიტყვიერ შეურაცხყოფას, რაზეც საგამოძიებო ორგანომ გამოძიება დაიწყო ძალადობის მუხლით.

როგორც „ნიუპოსტს“ პოლიციის თანამშრომლებმა განუცხადეს, მელორ მიქავა საგამოძიებო ორგანოში თავად გამოცხადდა.

აღსანიშნაბვია, რომ ამ ფაქტს წინ „ნაციონალური მოძრაობის“ წევრის ლევან ხაბეიშვილის მოთხოვნა უძღოდა, თავდასხმაში ეჭვმიტანილი ყველა პირის დასჯასთან დაკავშირებით.