ორი დღის წინ, დადიანების სასახლის ეზოში მომხდარ ინცინდენტთან დაკავშირებით მიმდინარე გამოძიების გადაკვალიფიცირებას, ან ძიების ერთდროულად ორი მუხლით წარმოებას ითხოვს სამოქალაქო სექტორი.

განცხადებაში, რომელსაც ხელს 11 არასამთავრობო ორგანიზაცია აწერს, ნათქვამია, რომ ტელეკომპანია „ოდიშის“ გადამღებ ჯგუფთან მიმართებაში დაირღვა სისხლის სამართლის კოდექსის 154-ე მუხლი, რაც ჟურნალისტისთვის პროფესიულ საქმიანობაში უკანონოდ ხელის შეშლას ითვალისწინებს.

„თავდასხმის ობიექტი გახდა ტელეკომპანია „ოდიშის“ ჟურნალისტი, რომელსაც უშლიდნენ საკუთარი პროფესიული საქმიანობის განხორციელებას და ხელყოფდნენ მის უფლებებს. ამიტომ გამოძიება ამ მიმართულებითაც უნდა გააგრძელოს მუშაობა და 154-ე მუხლითაც უნდა დაკვალიფიცირდეს იმ პირთა ქმედება, რომელიც სწორედ მას უშლიდა ხელს პროფესიული საქმიანობის განხორციელებაში,“- აცხადებს „საქართველოს დემოკრატიული ინიციატივას” თავმჯდომარე გიორგი მშვენიერაძე.

შეგახსენებთ, რომ მომხდარზე გამოძიება ძალადობის მუხლით მიმდინარეობს.