ვანო მერაბიშვილის ციხის საკნიდან გაყვანის ეპიზოდი - გამომძიებლები ყოფილ პრემიერ-მინისტრს დღეს კიდევ ერთხელ დაკითხავენ. აღნიშნული შუამდგომლობით უწყებას მერაბიშვილის ადვოკატმა მიმართა.

ადვოკატები აცხადებენ, რომ თავად მერაბიშვილმაც არა ერთხელ დაასახელა პირი ვინც იგი საკნიდან გაიყვანა, , თუმცა ფაქტს საგამოძიებო უწყებისგან სათანადო რეაგირება არასდროს მოჰყოლია. მათივე განცხადებით, ხელისუფლება პასუხისმგებელი პირებისთის სასჯელის არიდებას ცდილობს:

„შევალთ 13:00 მასთან დასაკითხად, სიმართლე გითხრათ არ გვაქვს რაიმე ახლის მოლოდინი, იმიტომ, რომ ამ საკითხებთან დაკავშირებით ჩვენ გვაქვს მიცემული ჩვენება. ხელისუფლებას ნაკლებად გვგონია, რომ სურდეს ამ საქმის გამოძიება. მით უმეტეს, ამდენი ხანი გავიდა, სამჯერ შეწყვიტეს ეს საქმე და მერე სამჯერ განაახლეს. ისინი უბრალოდ იძულებულები გახდნენ იმიტომ, რომ მე-18 მუხლის დარღვევა დაადგინა დიდმა პალატამ სტრასბურგის სასამართლოში,“-განაცხადა ვანო მერაბიშვილის ადვოკატმა, გიორგი ჩივიაშვილმა.