ორი ათასი ევრო ჯილდოდ ბრეტონში ქვაზე აღმოჩენილი წარწერის გაშიფვრისათვის

ეს საინტერესოა - 16:57, 11 May, 2019

1798

საფრანგეთის ბრეტანის რეგიონის პლუგასტელის კომუნის ხელმძღვანელობა ორი ათას ევროს პირდება იმას, ვინც გაშიფრავს წარწერას ქვაზე, რომელიც რამდენიმე წლის წინ სანაპიროზე აღმოაჩინეს. ქვაზე, რომლის ასაკიც 230 წელია, აღმოაჩინეს წარწერა, რომელიც 20 სტრიქონისგან შედგება.

ამოკვეთილ ასოთაგან უმრავლესობა ლათინურია, მათგან ზოგიერთი ამობრუნებულია, ამასთან, გვხვდება სიმბოლოები, რომელიც სკანდინავიურ რუნებს ჰგვანან.

ქვაზე გარჩევადია ორი რიცხვი 1786 და 1787. შესაძლოა ეს იმას ნიშნავს, რომ ის საფრანგეთის რევოლუციამდე 2 წლით ადრე გაკეთდა. აქვეა აფრებიანი ხომალდის გამოსახულება და კათოლიკეთა "წმინდა გული" - გული, რომელზეც ჯვარია გამოსახული.

მეცნიერებს ჯერჯერობით უჭირთ ამ წარწერის გაშიფვრა. ისინი თვლიან, რომ შესაძლოა წარწერა ძველბრეტონულ ენაზეა გაკეთებული. სხვები ბასკურ ენაზე დაწერილად მიიჩნევს. ზოგიერთი თვლის, რომ ის გაუნათლებელმა ადამიანმა შეასრულა და მასში უამრავი შეცდომაა.

"ROC AR B … DRE AR GRIO SE EVELOH AR VIRIONES BAOAVEL", "OBBIIE: BRISBVILAR ... FROIK … AL" - ეს არის ორი მონაკვეთი საკმაოდ ვრცელი წარწერიდან.

საინტერესოა ისიც, რომ მეთვრამეტე საუკუნის 80-იან წლებში საფრანგეთი და ინგლისი საომარ მდგომარეობაში იმყოფებოდნენ.

ადგილობრივმა ხელისუფლებამ სპეციალური კონკურსი გამოაცხადა, რომელშიც რეგისტრაცია ყველა მსურველს შეუძლია. რეგისტრაციის შემდეგ მათ ქვის სურატებს უგზავნიან, სადაც წარწერა სხვადასხვა რაკურსითაა გადაღებული. მათი მონაცემებით, ასეულობით ადამიანმა უკვე გამოთქვა მასში მონაწილეობა. კონკურსში მონაწილეობა ნომბრის ბოლომდეა შესაძლებელი.