რატომ დაარქვეს არჩი ჰარისონი და ვის გავს მეგანის და ჰარის შვილი

რატომ დაარქვეს არჩი ჰარისონი და ვის გავს მეგანის და ჰარის შვილი - დეტალები სამეფო ოჯახიდან

ეს საინტერესოა - 11:47, 09 May, 2019

3888

როგორც 8 მაისს გახდა ცნობილი პრინცმა ჰარიმ და მეგან მარკლმა თავის შვილს არჩი დაარქვეს, ბავშვის სრულის სახელი და გვარი არჩი ჰარისონ მაუნთბეტენ-უინძორია. სახელის არჩევანი საკმაოდ მოულოდნელი იყო, ის ვერცერთმა ბუკმეიკერმა ვერ გამოიცნო, მოლოდინი იყო, რომ ბავშვს ალექსანდრს, არტურს ან ალბერტს დაარქმევდნენ.

„ალბათ, არც ერთი ჩვენგანი არ იყო მზად ამ არჩევანისთვის“- განაცხადა ჟურნალ Majesty-ის მთავარმა რედაქტორმა ჯო ლიტლმა.

არჩი ნიშნავს „ნამდვილი“, „მამაცი“ ასევე „გამბედავი“ და ეს სახელი მეტად გავრცელებულია დიდ ბრიტანეთში ვიდრე აშშ-ში. მაგალითად 2017 წელს ბრიტანეთში არჩი დაარქვეს 2800 ბავშვს.

ლიტლოს თქმით, სახელი არჩი არანაირად არ უკავშირდება ბრიტანეთის მონარქიას და არც სახელი ჰარისონი გვხვდება სამეფო ოჯახში,

არჩი - ეს არჩიბალდის შემოკლებული ვარიანტია, თუმცა დღეს-დღეისობით სახელის მოკლე ვარიანტი დამოუკიდებლადაც გამოიყენება. სასექსის ჰერცოგისა და ჰერცოგინიას ოჯახმა სწორედ ეს მოკლე ვარიანტი აირჩია.

შვილის სახელად არჩი ჰარისონ მაუნთბეტენ-უინძორის შერჩევით, ჰარიმ და მეგანმა გადაწვიტეს მისთვის არ დაემატებინათ ტიტული.

როგორც ჰერცოგის პირველი შვილს, არჩის შეეძლო მიეღო დამბარტონის გრაფის სახელი - ეს ჰარის ერთ-ერთი დამატებითი ტიტულია, ან შეეძლო ყოფილიყო ლორდი არჩი ჰარისონ მაუნთბეტენ-უინძორი, ამის ნაცვლად კი ის უბრალოდ ბატონი არჩი ჰარისონ მაუნთბეტენ-უინძორია.

ბიბისის კორესპონდენტის ჯონ დაიმონდის თქმით, რომელიც სამეფო ოჯახის მოვლენებს აშუქებდა, არსებობს სერიოზული მინიშნებები იმისა, რომ მეგანი და ჰარი არ აპირებენ შვილი სამეფო ბავშვის მსგავსად აღზარდონ. ბავშის მედიისთვის წარდგენაც განსხვავებული იყო პრინცი ჰარი და მეგან მარკლი თავის ახლადდაბადებულ შვილთან ერთად მედიის წინაშე ბუკინგემის სასახლეში წარსდგნენ. უილიამმა და ქეითმა კი სამივე შვილი მედიას იმ ჰოსპიტალის წინ წარუდგინეს, სადაც ქეითმა იმშობიარა. მედიამ კიდევ ერთი განსხვავება შენიშნა, უილიამისა და ქეითის მედიის წინაშე გამოსვლისას სამივე ბავშვის შემთხვევაში ახალშობილი ხელში ქეითს ეკავა, მეგანის და ჰარის მედიასთან რამდენიმე წუთიანი კონტაქტისას კი, თავისი ბიჭი მუდმივად ჰარის ჰყავდა.

კითხვას იმის შესახებ, თუ ვის უფრო გავს ახალშობილი ჰარიმ უპასუხა:

„ამბობენ, რომ ბავშვები პირველ ორ კვირაში ძალიან იცვლებიან, ვნახოთ როგორ შეიცვლება ამ დროის განმავლობაში, თუმცა ის ყოველდღე იცვლება და ვინ იცის“

სასექსის ჰერცოგისა და ჰერცოგინიას პირველი შვილი ორშაბათს, 6 მაისს, ბრიტანეთის ზაფხულის დროით 05:26 საათზე შეეძინათ. ბავშვი 3200 გრამი დაიბადა, ყველაზე მსუბუქი თავის ბიძაშვილებთან შედარებით. ბუკინგემის სასახლის განცხადებით მშობიარობას ჰარიც ესწრებოდა.

ჰარისა და მეგანის შვილი პრინცი ავტომატურად ვერ გახდება, თუმცა მას შეუძლია ეს ტიტული მიიღოს, თუკი ამას გადაწყვეტს მისი დედოფალი- დიდი ბებია.