პრინცმა ჰარიმ და მეგანმა მარკლმა შვილს არჩი დაარქვეს.

ამის შესახებ რამდენიმე წუთის წინ გახდა ცნობილი.

სამეფო ბიჭის სრული სახელი არჩი ჰარისონ მაუნთბეტენ-უინძორია.

პრინცი ჰარი და მეგან მარკლი დღეს ბუკინგემის სასახლეში მედიის წინაშე თავის ახლადდაბადებულ შვილთან ერთად წარსდგნენ.

ჰარის და მეგანის შვილი 6 მაისს დაიბადა და ბრიტანეთის ტახტის მემკვიდრეთა სიაში მე-7 ადგილი დაიკავა, რიგში მეექვსე მამამისი-პრინცი ჰარია.

დღესვე მარკლმა მედიასთან პირველი კომენტარი გააკეთა.

„დედობა ჯადოსნურია, გასაოცარია. მე მსოფლიოში ორი საუკეთესო ბიჭი მყავს, ამიტომ ნამდვილად ძალიან ბედნიერი ვარ.“- განაცხადა მეგან მარკლმა იმ დროს როდესაც ჰარი შვილს ეფერებოდა „მას ძალიან ტკბილი ხასიათი აქვს, მშვიდია... ნამდვილი ოცნებაა.“ -აღნიშნა სასექსის ჰერცოგინიამ.

„არ ვიცი ვისგან მიიღო ეს ხასიათი“ - იხუმრა ჰარიმ.

„მშობლობა საოცარია“- განაცხადა ჰარიმ „ძალიან ამაღელვებელია როდესაც შენი საკუთარი სიხარული გყავს და მასთან გაატარებ ძვირფას დროს და ის თანდათანობით იზრდება.“