8 წლის გოგონას სასტიკი მკვლელობა გორში - ბრალდებული იაგო ნებიერიძე სასამართლოზე შეუძლოდ გახდა, რის გამოც სხდომა 2 მაისისთვის გადაიდო.

მკვლელობაში ბრალდებულის ადვოკატის თქმით, მისი დაცვის ქვეშ მყოფთან ის კონტაქტში ვერ შედიოდა.

იაგო ნებიერიძე სასჯელაღსრულების სამკურნალო დაწესებულებაში გადაიყვანეს.

8 წლის გოგონას ცხედარი 25 ოქტომბერს იპოვეს. მომხდარში ბრალდებული 34 წლის წარსულში ნასამართლევი იაგო ნებიერიძეა.

გამოძიება სისხლის სამართლის კოდექსის 109-ე მუხლის მე-2 ნაწილის „ბ“ ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ დამამძიმებელ გარემოებაში ჩადენილ განზრახ მკვლელობას გულისხმობს.