როგორია მსოფლიოში ყველაზე მაღალი ქალის ცხოვრება და როგორ გამოიყურებოდა ის ბავშვობაში

ეს საინტერესოა - 18:22, 15 Apr, 2019

4631

როცა მაღალი ხარ კარგია, მაგრამ ზოგჯერ სიმაღლე ადამიანს შეიძლება ნამდვილ პრობლემად ექცეს. 4 წლის წინ თურქეთის მოქალაქე, 18 წლის რუმეისა გელგი გინესის რეკორედების წიგნში მოხვდა, როგორც მსოფლიოს ყველაზე მაღალი ქალი, მისი სიმა ღლე 231 სმ-ია.რუმეისა 1997 წელს დაიბადა, დაბადებისას მისი წონა 5.9 კგ , სიგრძე კი 59 სმ იყო.

რუმეისა თურქეთის ქალაქ საფრანბოლუში მშობლებთან ერთად ცხოვრობს, მისი და-ძმა ჩვეულებრივი სიმაღლისაა. გოგონას გიგანტიზმის მიზეზი გენეტიკური დაავადებაა, რომელიც უივერის სინდრომითაა ცნობილი, სიმაღლის გარდა რუმეისას არაპროპორციულად დიდი სხეულის ნაწილები აქვს.

ყველაზე მაღალი ქალის ცხოვრება ადვილი არაა, მას დამოუკიდებლად გადაადგილება უჭირს და სპეციალური ეტლით მოძრაობს, მისთვის გართულებულია შესაბამისი ტანსაცმლის და ფეხსაცმლის მოძებნაც, მისი ფეხის ზომ 47-ია, ამიტომ მისთვის სამოსი და ფეხსაცმელი შეკვეთით იკერება..

სირთულეების მიუხედავად, რუმეისა ცდილობს ხალისი არ დაკარგოს და თავის პრობლემის პოზიტიური მხარეც დაინახოს, ის ხუმრობს, რომ მსოფლიოში ძალიან ცოტაა ისეთი ადამიანი, რომელიც მას ზემოდან დახედავს. ამასთან მისი თქმით, მას უპრობლემოდ შეუძლია ყველაზე მაღალ თაროს მისწვდეს.

შეგახსენებთ, რომ ყველაზე მაღალი კაცის ტიტულის მქონე ადამიანიც თურქეთში ცხოვრობს, სულთან კოსენის სიმაღლე 251 სმ-ია. საბედნიეროდ რუმეისა მას ვეღარ დაეწევა, ექიმები ირწმუნებიან, რომ გოგონა აღარ გაიზრდება.

ისტორიის მანძილზე ყველაზე მაღალი ქალი ანა ჰეინინგ სუონი იყო, მისი სიმაღლე 241 სმ-ს აღწევდა.