ქართველმა „კანონიერმა ქურდმა“, მინდია გორაძემ, ანუ იგივე ლავასოღლიმ, რომელიც წინა საექსტრადაციო სასჯელს თურქეთში იხდის, შიმშილობა დაიწყო. როგორც მისი ადვოკატები ამბობენ, ლავასოღლი უკვე 2 დღეა, მშრალ შიმშილობაზეა. შიმშილობის მიზეზი ის გახდა, რომ გორაძეს, ადვოკატების განმარტებით, უსამართლოდ დევნიან და ამ დრომდე არ არის გადაწყვეტილი, როდის მოხდება მისი ექსტრადირება.

„სახელმწიფოს ყველანაირი ბერკეტი ჰქონდა, რომ აქამდე მოეხდინა ექსტრადაცია, თუმცა სახელმწიფომ არ გამოიყენა მისთვის მინიჭებული უფლება. მაშინ კეთილი ინებოს სახელმწიფომ და ნუღარ აწვალებენ მას, უცხო ქვეყანაში მაინც დაანებონ თავი და შეეშვან,“- ამბობს ლავასოღლის ადვოკატი ალექსანდრე კობაიძე.