კრიმინალურ ავტორიტეტს "ლავასოღლის" 10 წლიანი პატიმრობა დაუსწრებლად მიესაჯა

სამართალი - 19:15, 12 Apr, 2019

990

საქართველოს პროკურატურის ინფორმაციით, “ქურდული სამყაროს“ საქმიანობის მხარდაჭერისთვის სამი პირი, ხოლო “კანონიერი ქურდობის“ და „ქურდულ შეკრებაში“ მონაწილეობისთვის ერთი პირი დამნაშავედ იქნა ცნობილი.

მათ შორის არის ცნობილი კრიმინალური ავტორიტეტი მინდიდა ლავასოღლი, რომელსაც დაუსწრებლად სასამართლომ 10 წლით თავისუფლების აღკვეთა განუსაზღვრა.

"სასამართლო პროცესზე გამოკვლეული მტკიცებულებებით დადასტურდა, რომ „კანონიერი ქურდი“ მ.ლ. “ქურდული შეკრებით“, დანაშაულის ჩადენით, დანაშაულის ჩადენისკენ წაქეზებით, საკუთარი კრიმინალური გავლენის გამოყენებით და სხვა უკანონო ქმედებით, თავისთვის და სხვისთვის სარგებლის და უპირატესობის მიღების, ძალაუფლების და გავლენის მოპოვება-მინიჭების მიზნით, ელექტრონული კომუნიკაციის საშუალებით, საქართველოს სხვადასხვა რეგიონებში და მათ შორის ქალაქ ბათუმში, მართავდა ქურდული სამყაროს წევრების ერთობას, რომლის მხარდაჭერას 2018 წლის აპრილ-ივნისში ახორციელებდნენ ი.გ., შ.კ. და ზ.ა., რაც „ქურდული სამყაროს“ საქმიანობის განხორციელების აშკარა, პირდაპირ და არსებით საფრთხეს ქმნიდა" - აღნიშნულია პროკურატურის მიერ გავრცლებულ ინფორმაციაში.