ჟან პოლ ბელმონდო იუბილარია - ლეგენდარული ფრანგი მსახიობი 86 წლის გახდა

ეს საინტერესოა - 18:34, 09 Apr, 2019

3810

ლეგენდარული ფრანგი მსახიობი ჟან პოლ ბელმონდო დღეს 86 წლის გახდა. მას პოპულარობა ფრანგული „ახალი ტალღის“ 1960-იან წლებში გადაღებულ ფილმებში შესრულებულმა როლებმა მოუტანა.

ბელმონდოს პირველი კინოდებიუტი 1957 წელს შედგა ფილმში „Molière“, მაგრამ მის მიერ შესრულებული ეპიზოდები, ფილმის გამოსვლის წინ ამოჭრეს. უფრო მნიშვნელოვანი როლი შეასრულა მან 1958 წელს გადაღებულ ფილმში „Sois belle et tais-toi“, სადაც ანრი ვიდალთან და ალენ დელონთან ერთად ითამაშა. 26 წლის მსახიობს, მსოფლიო აღიარება მხატვრულ ფილმში „À bout de souffle“ შესრულებულმა უგნური მიშელ პუაკარას როლმა მოუტანა. ეს ფილმი მსოფლიო კინემატოგრაფიის შედევრადაა მიიჩნევა. მომდევნო წელს, მსახიობმა სოფი ლორენთან ერთად ითამაშა ვიტორიო დე სიკას ფილმში „ორი ქალი“. ფრანგულ კინოში თავისი საუკეთესო როლები, მან ფრანგი „ახალი ტალღის“ რეჟისორების მიერ: 1961 - "Une Femme Est Une Femme", 1967 – „le Voleur“, 1969 – „la Sirène du Mississipp“ , 1972 – „Docteur Popaul“ და 1974 – „Stavisky“ წლებში გადაღებულ ფილმებში შეასრულა.

ჰოლივუდური მძაფრსიუჟეტიანი და კომედიური ფილმების ფრანგული ანალოგიებში გამოუსწორებელი ავანტიურისტის პარალელურად, ბელმონდო ისეთ სერიოზულ სახასიათო სახეებს ქმნის, რომ კინოკრიტიკოსები აღტაცებაში მოდიან. ასეთი ფილმებია: 1973 წელს გადაღებული „l’Héritier“, 1974 წელს გადაღებული „Stavisky“ და 1981 წელს გადაღებული „le Professionnel“.

1986 წლამდე ჟან-პოლ ბელმონდო კომერციულად ყველაზე წარმატებული მსახიობი იყო საფრანგეთში.