არქეოლოგებმა ეგვიპტის ქალაქ სუჰაგთან ახლოს ძველეგვიპტურ სამარხში თაგვებისა და სხვა ცხოველების მუმიები აღმოაჩინეს. ცხოველების ნაშთები ორი სარკოფაგის გარშემო იყო განლაგებული. სამარხის შიგნითა კედლებზე კი დაკრძალვის პროცესი და მინდორში მომუშავე ადამიანები იყო გამოსახული.

ექსპერტების თქმით, საფლავი დაახლოებით 2 ათასი წლის წინანდელია, მასში დაკრძალული იყო მაღალი რანგის დიდგვაროვანი, სახელად ტუტუ და მისი მეუღლე.

სამარხი 2018 წლის ოქტომბერში აღმოაჩინეს, ძველ არტეფაქტებზე მონადირე ადამიანების წყალობით, რომლებიც იქ უკანონო გათხრებს აწარმოებდნენ, უკანონო არქეოლოგები სამართალდამცავებმა დააკავეს.

ეგვიპტის ხელისუფლება იმედოვნებს, რომ ახალი აღმოჩენა ქალაქ სუჰაგში, რომელიც ქაიროდან 390 კმ-ში მდებარეობს, ტურისტებს მიიზიდავს.