„ნაადრევი ფრინველის“ თურქი ვარსკვლავი სკანდალში გაეხვა - ჯან იამანს გადაღებების დროს გამვლელის ცემაში ადანაშაულებენ

ეს საინტერესოა - 18:45, 03 Apr, 2019

6065

პოპულარული თურქული სერიალის „ნაადრევი ფრინველის“ მსახიობი ჯან იამანი სკანდალში გაეხვა. თურქული მედიაში გავრცელდა ინფორმაცია, რომ ის შესაძლოა სერიალს ჩამოაშორონ, მიზეზი კი გადასაღებ მოედანზე მომხდარი ინციდენტი გახდა. გავრცელებული ინფორმაციით ჯან იამანი თავს დაესხა გამვლელს, რომელმაც გადასაღებ მოედანზე ყოფნის დროს მათი მისამართით განაცხადა „რა ნახა ხალხმა ამ დემეტ ოზდემირსა და ჯან იამანში?“, ჯან იამანი მასთან მივიდა, ხელიდან ფოტოკამერა გამოსტაცა და გადაუგდო, ფოტოაპარატი მასიური სცენების ერთ-ერთი მსახიობს მოხვდა, რომელსაც სამედიცინო დახმარება დასჭირდა.

მსახიობის მიერ გამვლელზე თავდასხმის ფაქტი უარყო სერიალის გადამღებმა კომპანიამ. Gold Film-ის განცხადებით არასწორია ინფორმაცია, რომ ჯან იამანი ვინმეს თავს დაესხა და ამის გამო მას სერიალიდან მოხსნა ემუქრებოდა, თუმცა კომპანია ადასტურებს იმას, რომ რამდენიმე დღის წინ ერთ-ერთი პირი გადასაღებ მოედანთან იმყოფებოდა და მსახიობების მიმართ შეურაცხმყოფელი რეპლიკებით დაძაბულობის შექმნას ცდილობდა. კომპანიის განცხადებით, მსახიობებმა მას გადასაღები მოედნის დატოვება მოსთხოვეს, რაც შეეხება ფიზიკურ დაპირისპირებას, Gold Film-ი ამას არ ადასტურებს.