მეგან მარკლი კიდევ ერთი ტრადიციის დარღვევას აპირებს - ჰერცოგინია ბავშვის გაჩენას სხვა სამშობიაროში გეგმავს

ეს საინტერესოა - 15:13, 01 Apr, 2019

1724

სასექსის ჰერცოგინია მეგან მარკლი შვილს იმ კლინიკაში არ გააჩენს, სადაც ქეით მიდლტონმა და პრინცესა დაიანამ იმშობიარეს. ამის შესახებ The Sun-ი წერს.

ქეით მიდლტონმა და პრინცესა დაიანამ წმინდა მარიას ჰოსპიტალში, კერძო პაციენტებისთვის გახსნილ კორპუსში იმშობიარეს, რომელიც Lindo Wing-ის სახელობისაა. მეგან მარკლმა გადაწყვიტა მისი წინამორბედების მაგალითს არ მიბაძოს და მან და პრინცმა ჰარიმ მათ სახლთან ახლოს მდებარე სამშობიარო განყოფილებაზე გააკეთეს არჩევანი.

„ჰარი და მეგანი აანალიზებენ, რომ მათი ბავშვის დაბადება საზოგადოებრივი ინტერესის საგანია, თუმცა ის არ წარმოადგენს ტახტის პირდაპირ მემკვიდრეს, ამიტომ მათ სურთ, რომ ბავშვის დაბადება შეძლებისდაგვარად პრივატული იყოს.“- წერს გამოცემა წყაროზე დაყრდნობით.

გამოცემის ინფორმაციით, მეგანი შესაძლო გართულებებზეც ღელავს, რის გამოც მას შესაძლოა საკეისრო კვეთა დასჭირდეს და არ უნდა, რომ ზეწოლას განიცდიდეს იმისთვის, რომ მშობიარობიდან რამდენიმე საათში სამშობიაროს კიბეებზე საზოგადოების წინაშე უნკლო გარეგნობით წარსდგეს.

წმინდა მარია ჰოსპიტალში მშობიარეობა სამეფო ოჯახის წევრებისთვის ტრადიციული 1977 წლიდან გახდა, პრინცესა ანამ აქ გააჩინა თავისი ვაჟი პიტერი, 4 წლის შემდეგ კი გოგონა ზარაც. ამავე ჰოსპიტალში იმშობიარეს პრინცესა დაიანამ და ქეით მიდლტონმაც.

მეგანი და ჰარი შვილის დაბადებას აპრილის ბოლოს, ან მაისის დასაწყისში ელოდებიან.