ვირუსულ ვიდეოს, სადაც ჩანს, როგორ აიტაცა ჰაერში ქარმა ქოლგიანი მამაკაცი ინტერნეტში დიდი გამოხმაურება მოჰყვა, ყველა ინტერესდებოდა იმით თუ რამდენი ხანი იფრინა თანამედროვე „მერი პოპინსმა“ და რა ბედი ეწია. შემთხვევა თურქეთში, ოსმანიეს პროვინციაში მოხდა, მფრინავი მამაკაცი კი სადიქ ქოჯადილია.

ვიდეოში ჩანს რომ ძლიერი ქარის დროს ქოჯადილი დიდი ქოლგის ადგილზე შეკავებას ცდილობს, თუმცა ქარის სიმძლავრე მას ქოლგასთან ერთად ჰაერში იტაცებს.

როგორც თურქულ მედიასთან ქოჯადილმა განაცხადა, მან სტიქიისგან თავი სერიოზული დაზიანებების გარეშე დაიხსნა:

„მე კარგად ვარ, მას შემდეგ რაც მივხვდი რომ ქოლგა ფრენას აგრძელებდა, გადმოვხტი, ვფიქრომ 3-4 მეტრზე ამიტაცა.“- განაცხადა ქოჯადილმა.

ქოჯადილისგან განსხვავებით ტრავმებს ვერ გადაურჩა კაცი, რომელსაც მფრინავი ქოლგა დაეცა. მეჰმეთ ალი ბიჩაკჩს დაცემულმა ქოლგამ ფეხი და ნეკნი მოსტეხა, მან ინციდენტის შედეგად გონებაც დაკარგა.