თბილისის ცენტრში, ყაჩაღობის მცდელობის შესახებ დეტალებს თვითმხილველები იხსენებენ. საუბარია თამარაშვილის ქუჩაზე მდებარე მაღაზია „ჰერბალაიფზე“.

უცნობი პირი მაღაზიაში იმ დროს შეიჭრა, როცა შენობაში თანამშრომლები იმყოფებოდნენ.

თვითმხილველების თქმით, ტავდამსხმელს სამედიცინო ნიღაბი ეკეთა და შეიარაღებული იყო. მან ასევე სცადა გასროლა, მაგრამ იარაღმა უმტყუნა და ვერ გაისროლა, რის შემდეგაც ტერიტორიიდან მიიმალა.

თვითმხილველებმა თავდამსხმელის აღწერილობა სამართალდამცავებს უკვე გადასცეს და მიმდინარეობს შესაბამისი სამძებრო სამუშაოები.

მომხდარზე გამოძიება ყაჩაღობის მუხლით მიმდინარეობს.