ჯეკ შეფარდი საფრთხეების მიუხედავად შესაძლოა ექსტრადირების შუამდგომლობას დაეთანხმოს

ჯეკ შეფარდი საფრთხეების მიუხედავად შესაძლოა ექსტრადირების შუამდგომლობას დაეთანხმოს - ადვოკატი

სამართალი - 09:33, 26 Mar, 2019

1041

ინტერპოლით ძებნილ ჯეკ შეფარდის დიდ ბრიტანეთში ექსტრადირების საკითხთან დაკავშირებით, დღეს საქალაქო სასამართლო იმსჯელებს.

დაცვის მხარე მიიჩნევს, რომ დიდ ბრიტანეთში ექსტრადირების შემთხვევაში შესაძლოა შეფარდის სიცოცხლე საფრთხე დაემუქროს. ადვოკატის, მარიამ კუბლაშვილის თქმით, მისი დაცვის ქვეშ მყოფი ციხეში მუქარის შემცველ წერილებს იღებს.

„ეგზავნება წერილები მას დღესაც ციხეზე. ხშირად, წერილებში არის როგორც მისი ღირსების მიმართ მიმართული კონკრეტული ციტატები ან მუქარის წერილები. არსებობს საშუალება, რომ მან განსაკუთრებული უსაფრთხოება მოითხოვოს ციხეზე და გამოიყენოს ეს უფლება ცხადია და რა გადაწყვეტილებას მიიღებს და როგორ მოიქცევა, ეს არის მისი გადასაწყვეტი. ჩვენ განვუმარტეთ, რომ მზად ვართ ბრძოლისთვის,“ - განაცხადა მარიამ კუბლაშვილმა.

ტარიელ კაკაბაძე ამბობს, რომ რეალური საფრთხის მიუხედავად შეფარდს სურვილი აქვს სხდომებს დაესწროს.

„ჩვენ გარკვეული საფრთხეები ჩვენი აზრით, ნამდვილად გამოკვეთილია მის მიმართ. თუმცა, იმდენად დიდია მისი სურვილი, რომ მონაწილეობა მიიღოს სააპელაციო სასამართლოში საქმის განხილვაში, შესაძლოა ამ საფრთხეების მიუხედავად, ის დაეთანხმოს ექსტრადირების შუამდგომლობას,“ - განაცხადა ადვოკატმა, ტარიელ კაკაბაძემ.

ბრიტანეთის სასამართლომ ჯეკ შეფარდს შარლოტა ბრაუნის არაგანზრახ მკვლელობისთვის 6 წლიანი პატიმრობა შეუფარდა, გადაწყვეტილება კი შეფარდისოჯახმა სააპელაციოში გაასაჩივრა.