სმიტების ოჯახის სამი წევრის მკვლელობაში ბრალდებული მალხაზ კობაური ნაფიც მსაჯულთა სასამართლომ ყველა წარდგენილ ბარლდებაში დამნაშავედ სცნო.

ბრალდების მხარე აცხადებს, რომ გამამტყუნებელი განაჩენი მოსალოდნელიც იყო. პროკურორი მიიჩნევს, რომ კობაურს სმიტების ოჯახის მკვლელობის გამო სასამართლომ უვადო პატიმრობა უნდა განუსაზაღვროს.

„ნაფიცმ საჯულთა სასამართლო მიერ მალხაზ კობაური ყველა წარდგენილ ბრალდებაში ერთხმად იქნა დამაშავედ ცნობილი. აქვე მინდა აღვნიშნო, რომ ბუნებრივია, ეს მოულოდნელი არ იყო. ბრალდების მხარე, მალხაზ კობაურის პასუხისგებაში მიცემის დღიდან, არაერთი ბრიფინგი და განცხდება ვიხილეთ, რომ თითქოს გამოძიება ტარდებოდა არასრულყოფილად და თითქოს გამოძიებაში იყო ხარვეზები. დღეს კიდევ ერთხელ დადასტურდა, რომ გამოძიება წარიმართა რულყოფილად, ობიექტურად და საქმეზე მოპოვებული იქნა მოპოვებული უტყუარი მტკიცებულებები, რომელიც სასამართლოში წარვადგინეთ. ამას ადასტურებ ის, რომ ყველა ნაფივმა მსაჯულმა ერთხმად დაუჭირა მხარი გამამტყუნებელ ვერდიქტს. აქვე მინდა მადლობა გადავუხადო ნაფიც მსაჯულთა ამ შემადგენლობის თითოეულ წევრს, მათ მართლაც ღირსეულად შეძლეს მათზე დაკისრებული მოვალეობის შესრულება და ნამდვილად საამაყოა, რომ ჩვენ გვყავს საზოგადოების ასეთი ღირსეული წევრები და ეს არის ნათელი მაგალითი იმისა, რომ ქართველი ერი არ შეეგუება ასეთ საშინელ დანაშაულს და ყველა დანაშაული იქნება პასუხგაცემული“, - განაცხადა დათუკიშვილმა.

12-მა ნაფიცმა მსაჯულმა ერთხმად გამუტანა გამამტყუნებელი განაჩენი. ბრალდების მხარე კმაყოფილია გადაწყვეტილებით, დაცვის მხარე კი გასაჩივრებას უზენაეს სასამართლოში გეგმავს.

მსაჯულები სათათბირო ოთახში 4 საათი მსჯელობდნენ. მალხაზ კობაურს ბრალი სისხლის სამართლის კოდექსის 109-ე მუხლის პირველი ნაწილის „გ“, მე-2 ნაწილის „ბ“, მე-3 ნაწილის „ა“ და „ბ“ ქვეპუნქტებით და 137-ე მუხლის პირველი ნაწილით ჰქონდა წარდგენილი, რაც განზრახ მკვლელობას სხვა დანაშაულის გაადვილებისა და დაფარვის მიზნით, სამი პირის განსაკუთრებული სისასტიკით მკვლელობას, წინასწარი შეცნობით არასრულწლოვნის მიმართ მკვლელობასა და გაუპატიურებას გულისხმობს. აღნიშნული დანაშაული 16-დან 20-წლამდე, ან უვადო პატიმრობას ითვალისწინებს.