კრიმინალური გარჩევა ბათუმში, რის შემდეგაც მამაკაცმა პოლიციის შენობაში თავის მოკვლა სცადა – „კურიერის“ ინფორმაციით, მამაკაცმა ახალგაზრდა კაცი დაჭრა, პოლიციის შენობაში შევარდა და თვითმკვლელობა სცადა. არსებული ინფორმაციით, შემთხვევა გუშინ, ბათუმის ცენტრალურ პარკში მოხდა.

დაჭრილი ახალგაზრდა ბათუმის მედცენტრში, ხოლო სავარაუდო დამნაშავე ბათუმის რეფერალურ საავადმყოფოში არიან მოთავსებული.

როგორც ნიუპოსტს პროკურატურაში განუცხადეს, მომხდარზე გამოძიება სისხლის სამართლის კოდექსის ორი მუხლით დაიწყო. 115–ე, რაც პირის თვითმკვლელობამდე მიყვანას გულისხმობს და 236–ე მუხლის მესამე და მეოთხე ნაწილებით, რაც იარაღის უკანონო შეძენა–შენახვასა და მართლსაწინააღმდეგოდ გამოყენებას გულისხმობს.