ნასვამმა მამაკაცმა სანთებელა გადაყლაპა და კუჭის აფეთქებას სასწაულებრივად გადაურჩა

ეს საინტერესოა - 18:04, 13 Mar, 2019

1674

ჩინეთში მამაკაცს კუჭიდან სანთებელა ამოუღეს. ამის შესახებ ინფორმაცია ჩინურ mp.weixin.qq.com-ზე გავრცელდა.

23 წლის ჩინელი გვარად ლი, დროს თავის მეგობრებთან ატარებდა და ნასვამმა გადაწყვიტა, მეგობრებისთვის უჩვეულო რამე ეჩვენებინა და მათ თვალწინ სანთებელა გადაყლაპა. ინციდენტის შემდეგ ახალგაზრდა მამაკაცი თავს ნორმალურად გრძნობდა, თუმცა გარკვეული დროის შემდეგ მას კუჭის ტკივილი დაეწყო. მამამ ის ადგილობრივ საავადმყოფოში მიიყვანა. ექიმებმა პაციენტის გამოკვლევის შემდეგ დაასკვნეს, რომ მისთვის ოპერაციის ჩატარება ძალიან საშიში იყო. ამის შემდეგ გადაწყდა, რომ ის უფრო დიდ სამედიცინო დაწესებულებაში გადაეყვანათ. იქ ექიმებმა აღმოაჩინეს, რომ სანთებელა პაციენტის კუჭის მჟავის ზემოქმედების შედეგად იშლებოდა და მოწყობილობის შიგნით არსებული აალებადი სითხე შესაძლოა ყოველ წუთს გამოსულიყო გარეთ. ექიმების განცხადებით, საშიშმა ნივთმა ლის ორგანიზმში 30 საათზე მეტი გაატარა და მკურნალობის გაჭიანურების შემთხვევაში შესაძლოა აფეთქებულიყო. ექიმებმა სანთებელის ამოღება ენდიოსკოპის დახმარებით შეძლეს, მათ ეს მეთოდი მიიჩნიეს ყველაზე უსაფრთხოდ.