სასამართლომ გლდანში „საქართველოს ბანკზე“ თავდასხმისთვის ბრალდებულ პირებს პატიმრობა შეუფარდა.

წინასასამართლო სხდომა 2 მაისს დაინიშნა.

გლდანში, „საქართველოს ბანკზე“ თავდასხმა 8 მარტს მოხდა.

როგორც შინაგან საქმეთა სამინისტროში აცხადებენ, ყაჩაღობის, პოლიციელზე თავდასხმის, ცეცხლსასროლი იარაღის მართლსაწინააღმდეგო შეძენა-შენახვა-ტარებისა და თავისუფლების უკანონო აღკვეთის ბრალდებით დაკავებულია 2 პირი - წარსულში ნასამართლევი და ამჟამად პირობითი მსჯავრის ქვეშ მყოფი, 1998 წელს დაბადებული ნ.ქ. და წარსულში ნასამართლევი, 1999 წელს დაბადებული კ.გ. აღნიშნული დანაშაული 7-დან 10 წლამდე თავისუფლების აღკვეთას ითვალისწინებს.