უკრაინაში, ქალაქ ნიკოლაევსკში გამართული საერთაშორისო ტურნირის „მეგობრობა2013“-ის ერთერთი მატჩი სომხეთისა და საქართველოს ნაკრებ გუნდებს შორის მასობრივი ჩხუბით დასრულდა.

ტურნირი ფეხბურთის პოპულარიზაციას ისახავს მიზნად და მასში ახალგაზრდული ნაკრები გუნდები სხვადასხვა ქვეყნიდან მონაწილეობდნენ.

ამის შესახებ ინფორმაციას გამოცემა „ნიკვესტზე“ დაყრდნობით „ექსპრესნიუსი“ აქვეყნებს და ჩხუბის ამსახველ ფოტოსაც ურთავს.

წინასწარი ინფორმაციით, დაპირისპირება ეთნიკურ ნაიადაგზე არ მომხდარა: ქართველმა ფეხბურთელებმა თანაგუნდელისთვის წითელი ბარათის ჩვენება გააპროტესტეს და არბიტრი სცემეს, რასაც სიტუაციის დრამატიზება და მასობრივი ჩხუბი მოჰყვა.

მომხდარის შემდეგ ტურნირის ორგანიზატორებმა საქართველოს ნაკრებს დისკვალიფიკაცია მისცეს.